படமாகும் சம்பவங்கள் - நிதயானந்தா, சானியா மிர்சா, ரஞ்சிதா மற்றும் பலர்..

பரபரப்பும் திருப்பமும் நிறைந்த சமாச்சாரம் எதுவாக இருந்தாலும் படக்கென்று அதைச் 'சுட்டு' சுடச் சுட படமாகத் தருவது சினிமாக்காரர்கள் ஸ்டைல்.

பிரபல டென்னிஸ் வீராங்கனை சானியா மிர்சா- சோயப் மாலிக் காதல், திருமண சமாச்சாரங்கள், இடையில் புகுந்த ஆயிஷா சித்திக்கி விவகாரம் சினிமாவையே மிஞ்சும் விறுவிறுப்பு திருப்பங்களுடன் நகரும்போது விட்டுவிடுவார்களா என்ன.... இதோ கேமராவுடன் கிளம்பிவிட்டது ஒரு குழு படமாக்க.

குட்டை பாவாடை சர்ச்சை, இஸ்லாமிய எதிர்ப்பு, நண்பருடன் நடந்த நிச்சயதார்த்த முறிவு, சோயப் விவகாரம், ஆயிஷா குறுக்கீடு என திருப்பங்களுக்கு பஞ்சமில்லாத கதை சானியாவுடையது.

இந்த விவகாரங்கள் ஒன்றையும் விடாமல் சினிமாவில் பதிவு செய்யப் போகிறாராம் பிரபல இந்தி இயக்குனர் ஒருவர். இப்போதைக்கு படம் குறித்த அறிவிப்பை அறிவிக்காமல், சானியா - சோயப் திருமணத் தேதி வரை காத்திருக்கப் போகிறார்களாம்.

சானியாமிர்சா, சோயிப் மாலிக் அவரது முதல் மனைவி ஆயிஷா கேரக்டர்களில் நடிக்க நடிகர், நடிகை தேர்வு விறு விறுப்பாக நடப்பதாகக் கூறப்படுகிறது.

God and Sex

நித்தியானந்தா சாமியார் மற்றும் அவர் தொடர்பான செக்ஸ் லீலைகளை மையமாகக் கொண்டு படம் ஒன்றை எடுக்கிறார் பிரபல இயக்குநர் ராம் கோபால் வர்மா.

நிஜ சம்பவங்களைப் படமாக்குவதில் கில்லாடி ராம் கோபால் வர்மா. சமீபத்தில் நாடு முழுவதும் பரபரப்பை ஏற்படுத்திய நித்தியானந்தா சாமியாரின் செக்ஸ் லீலைகளை கையில் எடுத்துள்ளார் வர்மா.

காட் அன்ட் செக்ஸ் என்ற பெயரில் ஒரு படத்தை உருவாக்குகிறார் வர்மா. இது நித்தியானந்தாவின் செக்ஸ் லீலைகளையும் உள்ளடக்கியதாக இருக்குமாம்.

இதுகுறித்து வர்மா கூறுகையில், ஒரு ஆசிரமத்தின் உள்ளே நடக்கும் ரகசியங்கள் குறித்த படம் இது. இது செக்ஸ் லீலைகளாக மட்டுமே இருக்க வேண்டிய கட்டாயம் இல்லை. மாறாக, உள்ளே நடக்கும் கோஷ்டிப் பூசல்களாக இருக்கலாம். அவர்களுக்கு எதிராக நடப்போரின் செயல்களை கூறுவதாகவும் இருக்கலாம்.

நித்தியானந்தா விவகாரத்தின் மூலம் ஒரு விஷயம் தெளிவாகியுள்ளது. அதாவது

மனிதனால் கடவுளைக் கூட வெல்ல முடியும், ஆனால் காமத்தை வெல்ல முடியாது என்பதே அது.




இந்த படத்துக்கு ஹீரோ செலக்ட் பண்ணன்களோ பண்ணலையோ, அனா நடிகை ரஞ்சிதா தான்..